Juma kúni Aqparat jáne kommýnıkasııalar mınıstrliginiń uıytqy bolýymen Qazaqstan Respýblıkasy Konstıtýsııalyq keńesiniń múshesi Ýnzıla Shapaq el Konstıtýsııasyn túsindirý men iske asyrý máseleleri boıynsha kezdesý-semınar ótkizdi.
Atalǵan mınıstrliktiń jáne onyń qurylymdyq bólimsheleriniń, vedomstvolyq baǵynystaǵy uıymdarynyń, sondaı-aq, BAQ ókilderiniń qyzmetkerleri qatysqan semınarda Konstıtýsııalyq keńestiń múshesi Ýnzıla Shapaq aldymen Qazaqstan tarıhyndaǵy kezinde qabyldanǵan konstıtýsııalardan habardar etti. Sonymen birge, Qazaqstan Konstıtýsııasy kúni qarsańynda uıymdastyrylǵan bul is-sharanyń maqsatyna toqtaldy. «Búgingi semınardy ótkizýdegi basty maqsat – azamattardyń quqyqtyq saýattylyǵyn arttyrý, – dedi ol. – Quqyqtyq saýattylyqtyń negizi – zańnyń normalaryn óziniń paıdasy men mindetine zańdy túrde qoldaný. Buǵan Konstıtýsııa tolyq múmkindik beredi. Al qazirgi kezde Ata Zańymyzdyń áleýe- ti óte zor».
Konstıtýsııalyq keńes múshesi memlekettik organdarǵa belgili bir máselege baılanysty suraý-hat joldaǵanda, oǵan jaýapty qalaı tez alýǵa bolatynyna da túsinik berdi. Onyń aıtýynsha, qandaı da bir mekemege hat jazǵan kezde, sol máselege qatysty Ata Zańnyń baptarynda kórsetilgen zańdyq normalardy, soǵan baılanysty zań tarmaqtaryn, Konstıtýsııalyq keńestiń tıisti qaýlylaryn basshylyqqa alǵan jón.
Álısultan QULANBAI, «Egemen Qazaqstan»